Euskara ikasi nahi duzu ?

2010 UDAKO IKASTALDIAK

Euskalduntze barnetegiak (hasiera, 1A, 1B eta 2. mailak)
12 egun. 70 oren
Datak :
- uztailaren 5etik 16ra (Epea : ekainak 18)
- agorrilaren 3tik 13ra (Epea : uztailak 17)
Lekua : Urepele (Nafarroa Beherea)
Prezioa : 530 € AEK-ko kartadunentzat. 450 € langabetuentzat.

Xiberotarra ikasteko barnetegia
6 egun. 35 oren
Datak : agorrilaren 2tik 7ra (Epea : uztailak 16)
Lekua : Xiberoa
Prezioa : 265 € AEK-ko kartadunentzat. 225 € langabetuentzat.

Barnetegi ibiltaria, oinez (1A bukaera, 1B, 2. mailak)
6 egun. 20 oren
Datak : uztailaren 19tik 24ra (Epea : ekainak 25)
Lekua : GR 10 ibilbidea (Pirinioak)
Prezioa : 410 € AEK-ko kartadunentzat.

Euskara kurtsoak / sukaldaritza / dantzak / pilota (1A eta 1B mailak)
5 egun. 20 oren
Datak : agorrilaren 2tik 6ra (Epea : uztailak 16)
Lekua : Biarritze (Lapurdi)
Prezioa : sukaldaritza 295 €, dantza edo pilota 250 € AEK-ko kartadunentzat

Xehetasunak : AEK (05 59 25 76 09, Viviane edo Joseba)

Mendi ibilaldiak 2010

Mendi ibilaldiak


2010eko Ekainaren 13an, igandez
AUZA mendian


> Mendizaleen ibilaldia
Autoz elgarrekin igaiteko hitzordua > 07:30tan, Baigorrin, Bixentainia ostatuaren aintzinean.
Abiatzea > 08:00etan, Izpegiko lepoan.
Ibilbidea > Izpegi => Auza
Iraupena > 4 oren

> Ibilaldi lasaia (haurrentzat egokia)
Autoz elgarrekin igaiteko hitzordua > 09:30tan, Baigorrin, Bixentainia ostatuaren aintzinean.
Abiatzea > 10:00etan, Izpegiko lepoan.
Ibilbidea > Izpegi => Nekaitz
Iraupena > 2 oren

Euskaraz mintzatzeko parada bat gehiago eskaintzeko, Garaziko Gau Eskolan mendi ibilaldiak antolatzen ditugu urtero, ekaina erditsutan.

Aurten Baxe Nafarroa eta Baztan-en artean kokaturik den Auza mendirat joaitea hautatu dugu, ttonttorreko bista paregabekoaz loriatzeko !

Izpegiko lepoko aparkalekutik joanez, Nekaitzeko pago oihan ederra zeharkatuko dugu, Olhateko kaskoaren mazeletik.
Belardietatik igan eta, leporat helduko gira (814 m), hor izanen da ibilaldi lasaiaren heltzea.
Tokiaz goxatu ondotik, xendra beretik jautsiko gira berriz.

Mendizaleen ibilbideak aintzina jarraituko du, Elhorrietako lepoa (831 m) gainditu ondotik,  ezkerraldean harrespilak ikusten ahalko ditugu, eta Harrigorriko kasko xorrotxa.
Oihanetik atera eta, azken lepoa ukanen dugu begi aintzinean (1117 m), hortik Auza mendiaren ezkerreko ertzetik joanen gira aintzina, azkenean kaskorat heltzeko (1305 m)  !!

Goramendi, Irubela, Iparla, Baigura, Adi, Adartza, Orhi, Auñamendi... hara zoin diren handik ikusten ahalko ditugun mendietarik batzu : miresgarria !

Itzuli eta, bazkari goxo baten mentura ukanen dugu Baigorriko Bixentainian, ikusi dugunaren kondatzeko, kalakan aritzeko, kantatzeko...

Bazkaltzeko izena eman, ekainaren 10eko, 05 59 37 79 15 zenbakira deituz.

Dantza ikastaldi eguna

Dantza ikastaldi eguna

2010eko Martxoaren 13a, ebiakoitzez
ANAUZEN (Herriko gelan)


Goizean (09:30-13:30) : Mutxikoak
Arratsaldean (14:30-18:30) : Euskaldunak-Sorginak

Izen emaiteak > AEK 05 59 37 79 15
Epea > Martxoaren 10a

AEK euskara ikastaldia

Euskara ikastaldia 2010eko apirilaren 19tik 23ra Biarritzeko euskaltegian Maila guziak, hasiera salbu 235 € (bazkariak barne) Izen emaiteak > AEK 05 59 25 76 09 Epea > Apirilaren 9a
	Stage intensif de langue basque Du 19 au 23 avril 2010 Euskaltegi de Biarritze Tous niveaux, sauf initiation 235 € (déjeuners compris) Inscriptions > AEK 05 59 25 76 09 Date limite d'inscription > 9 avril
2010 ikastaldiak

Santibate... aurten bezala gero're !

Santibate

Otsailaren 5ean, ostiralez

Denak gomitatzen zaituztegu Donibane Garaziko Santibate ospatzera zirtzilez jantzirik !
Afarirako janari eske, ostatuz ostatu ibiliko gira, kantuz eta musikan.
Hitzordua 17:00etan Jai Alaian eta 19:00etan Gau Eskolan, itsusiz beztiturik eta maskaturik, nehorek ez gaitu ezagutu beharko !
Hamekak eterditan, Herriko etxearen aintzinean sasi dantzaldia eta gauerditan tripota jatea Urkulu peñan.